Školānu rudiņa breivdīnuos Bolvu Vaļsts gimnazejā nūtyka školuotuoju metodiskuo konference, kurā vairuoki pedagogi sovim kolegim vadeja meistarklases. Breineigu teatra muokslas meistarklasi vadeja myusu školuotuoja Annele Slišāne. Annele Baļtinovas vydsškolā vuica gon teatra muokslu, gon kulturu i muokslu, gon dizainu i tehnologejas, voda animacejas i tekstila interešu izgleiteibas puļceņus, struodoj ari Bolvu Muokslas školas izgleiteibas programmu eistynuošonas vītā Baļtinovā.